O MAR 9.5. ASOCIACIONISMO, MITINS E MANIFESTACIÓNS.
| Id: | 658 |
| Coleccion: | Santos- Villaverde SaVi |
| Ano de recolla: | 1992 |
| Concello: | Moaña. |
| Informantes: | - Bernárdez Villaverde, Antonio José |
![[thumbnail of Entrevista]](/style/images/fileicons/audio.png) |
Audio (Entrevista)
MPG_SaVi_0009_005_en_0_34_02_id658.mp3 - Arquivo principal Dispoñible baixo licencia Creative Commons Atribución-No Comercial. Descargar (3MB) |
![[thumbnail of Documento de transcrición e análise]](/style/images/fileicons/text.png) |
Texto (Documento de transcrición e análise)
MPG_SaVi_0009_005_en_0_34_02_id658_D.pdf - Material adicional Dispoñible baixo licencia Creative Commons Atribución-No Comercial. Descargar (137kB) |
Resumo / Descrición
Esta ficha recolle o quinto corte dos que se divide a novena das 11 entrevistas realizadas a Antonio José Bernárdez Villaverde por Xosé C. Villaverde Román durante o verán de 1992 na zona de Moaña.
O informante fala de diferentes eventos de carácter político que tiveron lugar en Moaña durante a II República: unha anécdota sucedida durante un mitin de Emiliano Iglesias e o asesinato da sindicalista Cándida Lago durante o transcurso dunha manifestación.
| Palabras chave: | mar , sindicalismo agrario , sindicalismo mariñeiro , Moaña , Faro de Vigo , mítin , Emiliano Iglesias , II República , manifestación , 1 de maio , mestre , Cándida Lago |
|---|---|
| Tipo de rexistro: | Etnográfico xeral |
| Feito rexistrado: | Entrevista |
| Colección: | Santos- Villaverde SaVi |
| Compilador: | Villaverde Román, Xosé Carlos |
| Autor da recolla: | Villaverde Román, Xosé Carlos |
| Informante: | Bernárdez Villaverde, Antonio José |
| Lugar de compilación: | Moaña - O Carmen - O Carmen |
| Data: | 13 agosto 1992 |
| Duración do corte: | 4 min. 10 seg. |
| Soporte orixinal: | Casete |
| Transcritor do texto: | Villaverde Román, Xosé Carlos |
| Referencia do arquivo principal: | MPG_SaVi_0009_005_en_0_34_02_id658.mp3 |
| Data de depósito: | 04 Xull 2021 16:24 |
| URI: | http://apoi.museodopobo.gal/id/eprint/658 |
Notas da recolla
No verán de 1992 Xosé C. Villaverde Román realizou unha serie de entrevistas na zona de Moaña. O obxectivo era recopilar información de primeira man a través de fontes orais sobre os traballos e a vida cotiá no mar en Galicia de cara a publicación dun libro que levaría por título “O mundo do mar segundo a tradición oral”. Os traballos supuxeron todo un exercicio de memoria viva, recopilando unha valiosa información sobre saberes tradicionais do mundo do mar de man das propias persoas protagonistas. O libro nunca se chegou a publicar, non obstante as gravacións orixinais recollidas forman agora parte do APOI, que dispón de tódalas entrevistas realizadas, así como das transcricións e das análises das mesmas feitas e revisadas polos propios compiladores.
Na sede do APOI no Museo do Pobo Galego poden escoitarse as entrevistas completas. Nós eleximos presentar na rede as editadas (revisadas e cortadas en varias partes) polo propio compilador para optimizar o traballo de busca.
Notas sobre os informantes
O informante, Antonio José Bernárdez Villaverde foi armador dun barco que se chamaba “María del Carmen”. Coñecido polo seu nome de pila e alcume: Pepe “Fanico”.
Nas notas da recolla figura a seguinte observación: "Persoa de voz xa gastada. En ocasións nótase cansancio e afonía."
Notas sobre a dixitalización
Este arquivo chegou ao APOI xa dixitalizado,editado en cortes e gravado en CD. Asemade chegaron as cintas casete orixinais de procedencia.
Notas sobre a transcrición do texto
A transcrición fíxose nos 90 e foi revisada no 2021 polo propio compilador e o persoal do APOI.
Respectouse a pronuncia da persoa e as palabras e expresións coloquiais transcribíronse tal cual foron ditas. Nalgúns casos, o compilador introduciu notas a pé para aclarar termos ou expresións, ou ben para aportar algún dato relevante sobre o que se está falando.
As partes nas que non se entende ben o que di o informante están sinaladas con: (?)
Notas xerais
O informante, Antonio José Bernárdez Villaverde, tamén fala da temática de asociacionismo, mitins e manifestacións nos seguintes rexistros: O MAR 10.2. (ID 662) e O MAR 11 (ID 663)
| Persoal do arquivo: | Editar elemento |
